martes, 1 de mayo de 2018

1º de Mayo 2018

Un nuevo 1º de mayo y otra nueva oportunidad para visibilizar la situación de nuestra clase trabajadora en el País Llionés, pero sin apenas novedad en la misma: se acentúan los efectos de las políticas de desgaste de nuestras condiciones de vida; aumentan las violencias sisté
micas; persisten los intentos depredadores de recursos energéticos y naturales; continúa la expulsión imparable de nuestra población, lo que ayuda a los gobiernos a camuflar la gravedad de nuestras cifras de desempleo

martes, 17 de abril de 2018

II Día de Resistencia

[LLI]
Esti Domingu 22 d'Abril la Esquierda Llionesa entama'l II Día de Resistencia. Habrá deillos actos nos qu'amás d'esfrutar entre compañeiras y compañeiros na fiesta, tamién visibilizaremos la nuesa lluita con un pasacalles y con una esposición fotografica, na cual puedes participar al traviés de redes sociales col hastag #ResistenciaLlionesa.
¡Esperámoste!


jueves, 8 de marzo de 2018

8 Marzu 2018

Esti 8 de marzu dende RUCHAR Mocedá Llionesa queremos amosar el nuesu sofitu a la FUELGA FEMINISTA. Deixamos eiquí las concentraciones y manifestaciones qu'hai convocadas nel País Llionés pa esti día de lluita.



miércoles, 21 de febrero de 2018

Día Internacional de la LLingua Materna 2018

|LLI|
Cumo vamos amosando dende hai deillos años dende RUCHAR Mocedá Llionesa estamos pol llabor de protexer y potenciar tódalas llinguas del nuesu país, el gallegu y el llionés sobremanera, ya que son las que más peligru cuerren.
Guei, 21 de febreiru de 2018, Día Internacional de la Llingua Materna, queremos de nuevu denunciar la falta de respetu que dende la Xunta de Castiella y Llión están teniendo escontra estos idiomas, en concretu col llionés, el cual anguaño inda nun tien, nin paez que tendrá, una política que garantice´l sou futuru y la sua protección, cumo parte que ye de la nuesa cultura y del nuesu patrimoniu inmetarial. Eiquí tampoucu debemos escaecer que tódalas falantes patrimoniales continúan ensín dreito a poder vivir la sua vida na sua llingua materna. Por todas estas cousas dende RUCHAR queremos asiñalar que seguiremos col nuesu llabor por caltener esti patrimoniu llingüísticu entre la mocedá.
Tamién queremos amosar tol nuesu sofitu a las compañeras d´Asturies, que dende va tiempu están lluitando p´algamar la Oficialidá del Asturianu. Nun escaecemos el nuesu compromiso internacionalista, nesti casu pa col puebru Asturianu, pero tamién pa con tódolos que sufren ataques sobro los sous dreitos llingüísticos.
Pa rematar queremos deixar eiquí tódolos poemas que participaron nel I Certame de Poesía Combativa en Llionés hai un añu.

|GAL|

Como imos mostrando desde hai varios anos desde RUCHAR Mocedá Llionesa estamos polo labor de protexer e potenciar todas as linguas do noso país, o galego e o leonés sobre todo, xa que son as que máis perigo corren.
Hoxe, 21 de febreiro de 2018, Día Internacional da Lingua Materna, queremos de novo denunciar a falta de respecto que desde a Xunta de Castela e León están a ter cara a estes idiomas, en concreto co leonés, o cal hoxe en día aínda non ten, nin parece que vai ter, unha política que garanta o seu futuro e a súa protección, como parta que é da nosa cultura e do noso patrimonio inmaterial. Aquí tampouco debemos esqu

miércoles, 6 de diciembre de 2017

Frayemos el sou réxime

[LLI]
El Réxime del 78 sigue vixente 39 años depuéis, retroaliméntase cada día de la dreita postfranquista, de la nueva dreita y de la socialdemocracia. Síguennos condenando a un réxime capitalista basáu na falta de llibertá individual y colectiva, con nulos valores democráticos, militarizáu, monárquicu y opresivu escontra deillos puebros atrapaos por esti orde institucional. Vémonos abligaos a sufrir un orde escurríu y empobináu por y pa las élites españolas, seguidoras del réxime franquista. La constitución utilízase cumo bas xurídica e ideolóxica pa llexitimar el Réxime franquista, de feito, esta constitución está escurrida pa crear un ambiente seguru pa los partíos constitucionalistas. Asina, dita constitución crea un orde casi inalterable y conservador, au los cambios y transformaciones son inviables.
Por eso s’usa la transición cumo referente democráticu y de llibertá, cuando la única alternativa que se plantegaba a la constitución yera’l franquismu y nun

jueves, 9 de noviembre de 2017

Activando al Puebru Llionés

Conclusiones del I Conceyu de la Esquierda Llionesa

Podrás leer el siguiente texto en leonés, gallego y castellano.

[LLI]
Los cambios políticos nas postreras décadas, la puxanza del liberalismu económicu, los procesos de globalización, la preponderancia del nacionalismu español y l'amenaza de nuevos trataos comerciales están configurando realidades sociales y escenarios políticos desemeyaos. Nesi sen, la Esquierda Llionesa afronta una situación novedosa, col arcu políticu atomizáu y la capacidá de decisión de la sociedá llionesa menguada, desfeita ou directamente subtraída.

La continuidá del Réxime del 78 en tódalas suas formas, incluída l'autonomía de Castiella y Llión, y el respaldu de los partidos políticos (los sucursalistas y los llioneses), torgoron el desenvolvimientu de la sociedá llionesa, samargullada nuna crisis de carácter estructural que vai acullá de lo meramente económicu, pa fundir las suas reíces na nuesa propia identidá cumo puebru.

Nuna escala más global, dende un pensamientu decolonial, ye tamién necesariu abordar tódolos eixes d'opresión que nos asitian no marcu de lo subalternu. El patriarcáu, el desarrollismu, las discriminaciones por rezones de raza, llingua, etc. Todo ello fincáo a favor de los hexemónico, golpeando con diferentes intensidades, pero siempres de xeitu transversal a la nuesa sociedá.

Por ello, entendemos axeitada la creación d'espacios d'alcuentru au poder debatir estas problemáticas y aportar soluciones propias dende'l marcu d'una esquierda que vea necesario articular a la sociedá llionesa cumo subxectu políticu, superando las artificiales e impuestas llendes administrativas, feitu que nos llevóu a convocar a diversas organizacionees, entidades, partidos políticos, plataformas y ciudadanía en xeneral, al I Conceyu de la Esquierda Llionesa, que se celebróu nel Ateneo Varillas de la Ciudá de Llión, durante los días 14 y 15 d'outubre de 2017.

viernes, 13 de octubre de 2017

I Conceyu de la Esquierda Llionesa


Los días 14 y 15 d'outubre cellébrase na Ciudá de Llión el I Conceyu de la Esquierda Llionesa, no cual participaremos xunto con las organizaciones Agora País Llionés, Anticapitalistas, Mocedá en Pie y Xuntanza. Las ponencias y mesas de trabayu tendrán llugar no Ateneo Varillas, el sábadu tamién habrá una pequeña fiesta no bar Ret Marut.

Esti sedrá'l programa de las xornadas:

SÁBADU 14 D'OUTUBRE

  • 10:00 h. Recepción de participantes, presentación de l'actividá y colectivos.
  • 11:00 h. PONENCIA: El futuru del progresu rural (Militancia d'Agora País Llionés)
  • 12:30 h. PONENCIA: Destrucción del patrimonio llionés (Miryan Rodríguez. Xuntanza)
  • 14:00 h. Xanta colavorativa entre tódalas asistentes.
  • 16:00 h. Mesas de trabayu:
    • Participación y emancipación de la muyer llionesa (Anticapitalistas) Inscripción necesaria nesti enllaz.
    • La mocedá no País Llionés, presente y futuru (Ruchar Mocedá Llionesa) Inscripción necesaria nesti enllaz.
    • Soberania alimentaria (La Zaranda Agroecológica) Inscripción necesaria nesti enllaz.
  • 18:00 h. Pousa.
  • 18.30 h. PONENCIA: Desmoronamiento del estado capitalista y eutogobierno (Dr. Andrés Piqueras, Universitat Jaume I, Castelló de la Plana)

DOMINGU 15 D'OUTUBRE
  • 10:00 h. Recepción de participantes.
  • 11:00 h. MESA REDONDA: Situación, retos y desafíos de la crase obrera llionesa. Intervienen Xosepe Vega, Secretariu Xeneral de CCOO de Llión y Enrique Reguero, Secretariu Xeneral d'UGT de Llión.
  • 12:30 h. PONENCIA: Dereitu a decidir y procesu constituyente no País Llionés (Xuan Getino, Xuntanza)
  • 14:00 h. Xanta colavorativa entre tódalas asistentes.
  • 16:00 h. Mesas de trabayu:
    • Fueya de ruta (Agora País Llionés) Inscripción necesaria nesti enllaz.
    • El llobu ibéricu, símbolu llionés en peligru (Xuntanza) Inscripción necesaria nesti enllaz.
  • 18:00 h. Pousa.
  • 18:30 h. Elaboración y lectura d'un documentu concordáu entre tódolos colectivos.

-------------------------



Los cambios políticos nas postreras décadas, la puxanza del lliberalismu económicu, los procesos de globalización, la preponderancia del nacionalismu español y l’amenaza de nuevos trataos comerciales están configurando realidades sociales y escenarios políticos desemeyaos. Nesi sen, la esquierda llionesa afronta una situación novedosa, col arcu políticu atomizáu y la capacidá de decisión de la sociedá llionesa menguada, desfeita ou directamente substraída.

La continuidá del réxime del 78 en tódalas suas formas, incluída l’autonomía de Castiella y Llión, y el respaldu de los partidos políticos (los sucursalistas y los llioneses), torgoron el desenvolvimientu de la sociedá llionesa, samargullada nuna crisis de carácter estructural que vai acullá de lo meramente económicu, pa fundir las suas reíces na nuesa propia identidá cumo puebru.
Nuna escala más global, dende un pensamiento decolonial, ye tamién necesario abordar tódolos eixes d’opresión que nos asitian no marcu de lo subalterno. El patriarcáu, el desarrollismu, la discriminación por rezones de raza ou llengua… Todo ello fincáu a favor de lo hexemónicu y que golpea con desemeyadas intensidades pero siempres de xeitu transversal a la sociedá llionesa.
Por ello, cremos axeitada la creación d’espacios d’alcuentru au podamos debatir estas problemáticas y aportar soluciones propias dende’l marcu d’una esquierda que vea necesario articular a la sociedá llionesa cumo subxectu políticu, superando las artificiales y impuestas fronteras administrativas.