La pasada fin de sumana, los días 14 y 15 d'outubre, una Delegación Internacionalista de RUCHAR Mocedá Llionesa participóu no Día de la Mocedá Revolucionario entamáu pola organización asturiana Darréu, conmemorando asina la Revolución de 1934.
Fixuse un alcuentru internacionalista no que pudimos deprender muito gracias a compañeiros de la organización Isca!, que faloron sobro las Esperiencias de la lluita xuvenil en Galiza. RUCHAR pola sua parte contribuyíu a esti alcuentru falando sobro cumo foi no pasáu la organización de la mocedá soberanista d'esquierdas no País Llionés, amás d'aproveitar pa poder presentar las nuesas llineas de trabayu nas qu'estamos entamando a trabayar.
Tamién estuvimos presentes no homenaxe a Belarmino Tomás, un de los principales dirixentos obreiros de Outubre del 34 y quien fuera amás el Presidente del Conseyu Soberanu d'Asturies y Llión no añu 1937.
 |
| Homenaxe a Belarmino Tomás no sou monolitu |
Amás de todo pudimos visitar deillos llugares nos que se desendolcóu la Revolución de 1934 en Llangréu, ascuitar el comunicáu de Darréu pa esti DMR16, y tamién presenciar una intervención d'una compañeira arxentina sobre la lluita pola absolución de los petroleros de Las Heras.
 |
| Intervención sobro la absolución de los petroleros |
Pa rematar hai que dicir que tamién se deixóu sitiu pa poner en valor la cultura asturiana, ya que esfrutamos d'una Nueche en Danza y del XIII Conciertu Asturies Nun Escaez nos que participaron deillos grupos.
 |
| Asturies nun escaez |
Dende RUCHAR Mocedá Llionesa queremos dar las gracias a Darréu por contar con nós pa participar nesti Día de la Mocedá Revolucionario 2016, ya que nos deixa a las organizaciones mozas establecer contautu y poder deprender unas d'outras p'ameyorar nas nuesas lluitas. Por eillo l'internacionalismu anguñu ye bien necesariu pa poder algamar la soberanía de los nuesos pueblos.
 |
| Internacionalismu no DMR16 |
¡Puxa Asturies! ¡País Llionés Llibre!
