Conclusiones del I Conceyu de la Esquierda Llionesa
Podrás leer el siguiente texto en leonés, gallego y castellano.
[LLI]
Los cambios políticos nas postreras décadas, la puxanza del liberalismu económicu, los procesos de globalización, la preponderancia del nacionalismu español y l'amenaza de nuevos trataos comerciales están configurando realidades sociales y escenarios políticos desemeyaos. Nesi sen, la Esquierda Llionesa afronta una situación novedosa, col arcu políticu atomizáu y la capacidá de decisión de la sociedá llionesa menguada, desfeita ou directamente subtraída.
La continuidá del Réxime del 78 en tódalas suas formas, incluída l'autonomía de Castiella y Llión, y el respaldu de los partidos políticos (los sucursalistas y los llioneses), torgoron el desenvolvimientu de la sociedá llionesa, samargullada nuna crisis de carácter estructural que vai acullá de lo meramente económicu, pa fundir las suas reíces na nuesa propia identidá cumo puebru.
Nuna escala más global, dende un pensamientu decolonial, ye tamién necesariu abordar tódolos eixes d'opresión que nos asitian no marcu de lo subalternu. El patriarcáu, el desarrollismu, las discriminaciones por rezones de raza, llingua, etc. Todo ello fincáo a favor de los hexemónico, golpeando con diferentes intensidades, pero siempres de xeitu transversal a la nuesa sociedá.
Por ello, entendemos axeitada la creación d'espacios d'alcuentru au poder debatir estas problemáticas y aportar soluciones propias dende'l marcu d'una esquierda que vea necesario articular a la sociedá llionesa cumo subxectu políticu, superando las artificiales e impuestas llendes administrativas, feitu que nos llevóu a convocar a diversas organizacionees, entidades, partidos políticos, plataformas y ciudadanía en xeneral, al I Conceyu de la Esquierda Llionesa, que se celebróu nel Ateneo Varillas de la Ciudá de Llión, durante los días 14 y 15 d'outubre de 2017.
