[LLI]
El Réxime del 78 sigue vixente 39 años depuéis, retroaliméntase cada día de la dreita postfranquista, de la nueva dreita y de la socialdemocracia. Síguennos condenando a un réxime capitalista basáu na falta de llibertá individual y colectiva, con nulos valores democráticos, militarizáu, monárquicu y opresivu escontra deillos puebros atrapaos por esti orde institucional. Vémonos abligaos a sufrir un orde escurríu y empobináu por y pa las élites españolas, seguidoras del réxime franquista. La constitución utilízase cumo bas xurídica e ideolóxica pa llexitimar el Réxime franquista, de feito, esta constitución está escurrida pa crear un ambiente seguru pa los partíos constitucionalistas. Asina, dita constitución crea un orde casi inalterable y conservador, au los cambios y transformaciones son inviables.
Por eso s’usa la transición cumo referente democráticu y de llibertá, cuando la única alternativa que se plantegaba a la constitución yera’l franquismu y nun
